Seleccion di futbol damas Corsou cu victoria grandi ayera riba Anguilla

WILLEMSTAD - Selekshon femenino di Kòrsou ayera a efektuá nan di dos wega di e CONCACAF Women Road to Gold Cup. Esaki ora ku nan a topa ku Anguilla den stadion Rignaal “Jean” Francisca. Kòrsou di manera konvisente a gana di Anguilla ku skor di 5-2.

Golnan  a kuminsá kai trempan pa Kòrsou. Esaki ora Kadisha Martina a habri e skor na di 5 minüt di wega. Un ratu despues na di 12 minüt, Taïsha Hansen ta hasi e wega 2-0 pa Kòrsou. E di tres gol a keda anotá pa Sadeyah Rosa na di 18 minüt.

Anguilla a kòrta ora nan a anotá un gol na di 32 minüt. E wega a sosegá ku Kòrsou ku skor di 3-1.

Den di dos tempu mas gol a kai pa Kòrsou. Na di 60 minüt Lauryn Richardson ta anotá e di kuater gol pa Kòrsou.

Taïsha Hansen a anotá su di dos gol di partido na di 62 minüt, pa asina hasi e wega 5-1 pa Kòrsou.

Anguilla a bolbe anotá un gol na di 89 minüt, i asina Kòrsou ta bolbe logra un viktoria den e kompetensia.

Kòrsou den su promé dos weganan di e CONCACAF Women Road to Gold Cup a logra dos viktoria. Esun di ayera kontra Anguilla i un otro ku skor di 2-0 kontra Cayman Islands den e promé wega.

Selekshon di Kòrsou lo ta bek den akshon den e torneo aki den fin di novèmber. Esaki ora nan bishita Anguilla. Miéntras e di kuater i último partido den e kompetensia ta 4 di desèmber kontra Cayman Islands aki na Kòrsou. NOTA: Texto scirbi den Papiamento fonetico di Corsou.