Joran van der Sloot bek pa prizon di Peru

ALABAMA - Joran van der Sloot dialuna a bolbe pa Peru, bou di vigilacion estricto di autoridadnan Mericano, unda cu e lo bolbe temporalmente den e prizon Piedras Gordas. Contrario na su yegada pa Merca, e biaha aki Vd Sloot ta bay bek den un avion comercial y no priva. Na Juni a extradita vd Sloot pa Merca unda cu e mester a keda trata den un caso di extorcion contra famia Holloway. Como parti di e deal cera cu autoridad Mericano, vd Sloot a confensa di a mata Natalee Holloway na Aruba. Ministerio Publico di Aruba ta evaluando si ta bay persigui vd Sloot awor cu e la confesa na autoridad Mericano.