Corsou ta registra otro morto den trafico den fin di siman

WILLEMSTAD - Un dama a keda alkansá djasabra mainta pa un vehíkulo i e impakto tabata asina fuerte ku el a pèrdè su bida. Esaki polis ta informá ku djasabra pasá den kareda di binti pa 11 Sentral di Polis a dirigí un unidat di warda di polis di Rio Canario pa Schottegatweg-Noord na altura di un pòmp di gasolin, pa un aksidente di tráfiko kaminda tabatin un persona gravemente heridá.

Na yegada di e unidat, el a topa un dama drumí abou i ku tabata sangra for di kabes i boka. Den e besindario tabatin un outo tambe pará.

A pidi presensia di ambulans, ku a transportá e víktima den un situashon krítiko pa Sala di Emergensia di C.M.C.

Personal di Departamento di Tráfiko ku tambe a yega na e sitio, a kuminsá mesora ku investigashon.

Alrededor di 10 pa 4 di atardi, Sentral di Polis a keda notifiká ku e dama Farah Maria Tadeska Requena nasé na Kòrsou dia 9 di òktober 1991, a fayesé a konsekuensia di heridanan ku el a sufri durante di e aksidente.Investigashon den e kaso aki ta kontinuá pa determiná kiko a sosodé. NOTA: Texto scirbi den Papiamento fonetico di