Na Corsou, conocido prisonero Nicole Lake gara atrobe despues di otro huida di prizon

WILLEMSTAD - Djasabra den oranan di atardi Nicole Lake a hui for di prisòn SDKK, sin kibra nada. Of a lo ménos e investigashon preliminar ta mustra ku no a kibra nada.

Ministerio di Hustisia a informá ku djasabra atardi nan a haña notifikashon for di gerensia di e instituto penitensiario, ku un kliente di SDKK, den e kaso akí un hóben hende muhé a logra hui for di den e departamento di hende muhé na e sentro aki.

Asina Minister Hato a risibí e notifikashon, el a ordená un investigashon inmediato i profundo, p’asina determiná kon e prezu por a logra hui for di den SDKK. Ta trata di Nicole Lake ku for di e momentu ku a haña sa ku el a hui, outoridatnan polisial a kuminsá busk’é.

Alabes a hasi petishon riba komunidat tambe pa kooperá pa duna informashon si sa paradero di Lake. Siguiente dia mes djadumingu 29 di òktober 2023 alrededor di mitar di 2 di mèrdia, despues di un búskeda intensivo, a logra detené e sospechoso Nicole Lake.

E sospechoso tabata den kompania di un hòmber na momentu di su detenshon, den área di vlakte di San Pedro. A present’é dilanti di un fiskal ouksiliar. Despues di su interogashon, lo traslad’é bèk pa S.D.K.K. Investigashon ta kontinuá.NOTA:Texto ta scirbi den Papiamento fonetico di Corsou.