E shuatamento na Aruba di mandatario Hulandes, lo cost’e su funcion temporalmente

DEN HAAG – E efecto di e shuatamento (voedselvergiftiging) di e secretario di esrtado Hulandes demisionario Eric van der Burg na Aruba siman pasa, a resulta asina pisa, cu e la coste su funcion temporalmente. Ora cu e mandatario a yega Hulanda, despues di corta su biahe dui trabou pa nos islanan, a bira conoci cu e efecto tabata mas pio cu e la keda. Asina pio cu e mester tuma varios dia liber ainda pa e por recupera. Problema ta cu su cartera ta asina importante cu mester reemplace cu un otro persona pa e trabounan di e cartera sigui. E actual secretario di estado di husticia Christophe van der Maat ta reemplasa van der Burg. E secretario cu ta reemplaza vd Burg, ta haya retiro y su trabou ta wordo haci pa minister Ollongren. Dialuna van der Maat ta huramenta dilanti Rey Willem-Alexander, pa por eherce e trabounan di van den Burg.

SHUATAMENTO NA ARUBA

Tabata den e siman aki cu noticiacla a raporta cu e mandatario Hulandes a shuata na Aruba despues di a come na un restaurant diadomingo anochi. E mester a keda hospitalisa pa un anochi pa observacion, y despues por a sali atrobe. Sinembargo e mester a cancela e resto di e biahe, cu lo a hibe Corsou y Bonaire. Pues e shuatamento tabata uno basta serio. No ta conoci cua ta e restaurant cu e mandatario a bay come, pa despues e shuata.