Sigrid Kaag: Te ainda Aruba y Corsou no ta cumpli cu norma fiscal di EU

WILLEMSTAD - Minister di Finansa di Hulanda, Sigrid Kaag, awe a manda karta na parlamento hulandes relashoná ku reunion último di miembronan di Union Oropeo tokante finansa. Un di e tópikonan, di e reunionnan, ku a tuma lugá 16 i 17 di òktober, ta relashoná ku lista pretu di Union Oropeo ku paisnan ku no ta kumpli ku e stándar fiskal mínimo europeo.

Den e último reunion e paisnan Oropeo a tuma desishon pa kita UK Virgin Islands, Costa Rica i Marshall Islands for di e lista pretu. Segun Grupo di Código di Conducta (Gedragscodegroep) e paisnan awor ta kumpli ku e reglanan Oropeo. Awor e lista pretu ta konsistí di e siguiente paisnan: US Virgin Islands, US Samoa, Anguilla, Antigua & Barbuda, Bahamas, Belize, Fiji, Guam, Palau, Panama, Russia, Samoa, Seychellen, Trinidad & Tobago, Turks & Caicoseilanden i Vanuatu.

Kòrsou i Aruba te ainda ta riba un lista shinishi. E paisnan riba e lista fiskal di kolo gris a komprometé pa, den un término akseptabel, sigur ku nan lo sigui kumpli ku e norma fiskal. Si esaki no ta logra, nan lo wòrdu poné riba e lista fiskal pretu di e UE.

Kòrsou i Aruba ta riba e lista di kolo gris fo’i 14 di febrüari 2023, pasobra ámbos paisnan no tabata kumpli kompleto ku e norma pa e interkambio outomátiko di informashon. Tantu Aruba komo Kòrsou a konfirmá na un nivel polítiko haltu ku nan lo sigur ku nan lo kumpli ku e norma menshoná pa mas tardá na otoño di 2024, asina Kaag ta skirbi den su karta pa Tweede Kamer. PORTRET ;Minister di Finansa di Hulanda, Sigrid Kaag.NOTA: E texto ta scirbi den Papiamento fonetico di Corsou.