Southwest Airlines ta aumenta vuelonan pa Aruba for di Baltimore

ORANJESTAD –E  aerolinea Southwest ta aumenta nan vuelonan pa Aruba. E aeroliña awe a haci un serie di anuncio den nan intento pa aumenta nan mercado. Y den esaki nan a haci mencion di e aumento di buelo tambe pa Aruba. Esaki ta nifica cu Southwest ta aumenta nan operacion pa Aruba cu 5 vuelo pa siman desde Baltimore (BWI) entrante 4 di juni 2024. Nan lo mantene e frecuencia di vuelo aki te cu 4 di augustus 2024, cu un posibilidad di extende esaki pa ful un aña. Esaki ta nifica mas capacidad di asiento for di Merca pa Aruba. 

Actualmente e aerolinea ta operando 1 vuelo so pa siman. E aumento di vuelo di Southwest ta bay haci cu lo bay tin un aumento di “seating capacity" pa Aruba, cual ta representa un aumento di 572 stoel. Entrante mañan lo cuminsa cu benta di tickets entre AUA – BWI. Minister di turismo di Aruba Dangui Oduber a confirma e informacion aki y tambe a suministra parti di e informacion aki awe publicamente, fuera di e anuncio oficial mes di e aeroliña.