Awor ATA ta ofrece turistanan Mericano tatoo gratis di Aruba si nan bishita nos isla

ORANJESTAD – Turistanan Mericano cu bishita Aruba entre 1 di januari y 30 di juni 2024, por bay bek nan pais cu un tatoo di Aruba, completamente gratis!. Den un otro intento pa logra haya turista na Aruba y duna nan algo a keda corda nan bishita, awor oficina di turismo ta ofreciendo turistanan pa haya un tatoo gratis, cu e tema di Aruba durante nan bishita riba nos isla. Un total di 5 artista di tatoo ta participa den e campaña aki. Segun e CEO di ATA Ronella Croes, ora cu un turista bandona Aruba, e ta hiba un abundancia di alegria cu ne. Ki miho forma pa celebra sentimento aki door di duna nan un souvenir permanente di nos artistanan local di tatoo. Pasobra Aruba ta keda cu bo, pa tempo largo despues cu bo bay”. 

Entrante awe, turistanan cu ta cualifica, por registra pa e oportunidad pa un tatoo graties. Nan tin cu bishita e portal di Aruba y reclama un voucher, tanten cu tin disponible. Ta bon pa recorda cu esaki ta pa turistanan cu ta bishita Aruba entre 1 di januari 2024 pa 30 di juni 2024.