AVP: No tin paso contra Marisol pa a vota contra e presupuesto

ORANJESTAD – E hecho cu presidente di parlamento diaranson marduga a vota contra presupuesto di pais Aruba, a crea basta reaccion. Mientras cu hopi ta mire como un acto di democracia, otronan tin nan pensamento diferente. Pa tanto lider di fraccion di AVP como MEP, tin un motivacion atras. Esey no ta kita afo cu e tabatin un efecto, bon of malo. Pero segun e lider di e fraccion, e accion di e presidente di parlamento, no tin consecuencia pe y su funcion. Si, e ta lamenta cu esaki ta hala mas atencion cu e noticia di pasamento di e presupuesto. 

HERDE

Lider di e fraccion berde, di cual Marisol Lopez Tromp ta forma parti, Rene Herde, a bisa cu e hecho cu Lopez a vota contra di e presupuesto, ta haci dolor si. Mientras cu tabata conoci cu e no tabata pro, e motibo na final, a bin como un sorpresa. Riba un base persona, Herde tabata cla” Mi no por papia pa otro hende” Herde a bisa. “ Mi por imagina mi individualmente nos por anda asina cu otro. Punto di bista, ta cu nos tin opinionnan riba diferente area” e lider di fraccion a bisa. Y e rumornan cu lo kier bahe como presidente di parlamento, no ta conoci pe. “No tin motibo, segun ami. Nos no a papi ‘e” Herde ta sigura NoticiaCla.com. E la bisa cu no tin normanan cu si un hende comporta su mes di tal forma, cu ta papia di retira of tuma accion. Mes momento Herde ta mustra cu e ta respeta e decision, aunke enberdad e ta haci dolor.

WEVER CROES

Pa loke ta lider di fraccion di e partido geel, Evelyn Wever Croes, e la mustra cu Lopez Tromp durante varios reunion, a indica cu ‘nos mester tuma e proceso aki mas na serio y mester busca mas conseho”, Wever Croes a bisa NoticiaCla.com. “Nos a purba convence Baba Herde, pero Baba no kier a scucha. Herde kier men cu nan no mester di mas conseho. Y segun mi, esey ta e motibo cu Marisol a vota contra” Wever a bisa finalmente.

conseho.