Setar: Kico a causa problema temporal cu internet

ORANJESTAD – Trabounan di expansion den e red di Setar, a pone cu ultimo dos dianan tabatin problema cu internet na Aruba. Segun vocero di e compania, Suzy Maduro, ‘Data ta expandiendo rapidamente y nos ta bezig cu expansion y upgrading” Maduro a cuminsa bisa. Y den cuadro di esaki “ Por pasa cu tin biaha tin storing ta surgi”. Esey ta splica e dos biahanan ayera cu tabatin problema serio cu comunicacion di internet.

UPGRADING

Maduro a splica pues cu ‘como cu constantemente ta haci e trabounan (di upgrading), por pasa cu tin algun biaha cu tin storing ta surgi”. E problemanan mientrastanto segun Maduro, ta wordo atendi. “E tecniconan mesora ta traha (ora cu tin e problemanan) pa re establece bek mas pronto posibel”. Mientrastanto Maduro a confirma awe mainta na NoticiaCla.com cu e problema ta resolvi. E la confirma tambe cu e problemanan por wordo resolvi mas lihe cu ta posibel, debi cu tin tecnico na warda semper.

CRITICA DI COMUNIDAD

For di ayera marduga y despues tambe atardi, tabatin problema cu internet. Sea cu e tabata hopi ‘slow’ of cu no tabatin comunicacion at all. Esaki a causa basta frustracion den comunidad y a demostra esaki tambe riba e.o. Facebook. Pa atardi, atrobe tabatin problema cu a dura un bon rato