Van Huffelen ta spera claridad pronto relaciona cu caida di gobierno na Bonaire

DEN HAAG – ‘Den interes di e habitantenan di Bonaire, mi ta spera cu tin claridad pronto” tabata e prome reaccion di e secretario di estado demisionario Hulandes Alexandra van Huffelen riba e caida di gobierno di Bonaire. “ Mi ta laga nan informami riba e situacion” e mandatario a sigui bisa. Manera Noticiacla a raporta awe marduga, mei algo prome cu mei anochi diamars pa diaranson, e gobierno di e isla di flamingo a cay, ora cu un miembro di e coalicion UPB-MPB a declara su mes independiente, y sostene un mocion di desconfiansa contra e tres diputadonan di e coalicion. Cu e serie di accion aki, e gobierno a cay tambe. 

E mandatario na comienso di luna ainda a ‘skip’ su bishita pa Bonaire debi cu segun e mandatario, Bonaire su gobierno no tabata cla pa atende ainda cune, y ademas e mester tabata presente urgentemente na e conseho di minister e siman ey.