Video: Van Huffelen ta clarifica: Auba a firma den oranan laat pero toch na tempo

DEN HAAG -Aruba a tarda y a firma den oranan hopi laat (di Hulanda), pero a firma. Esey secretario di estado Hulandes Alexandra van Huffelen a sigura Noticiacla diaranson mainta durante un encuentro cu algun periodista. E pregunta a bin di parti di Noticiacla ya cu diamars inicialmente BZK a bisa e portal aki cu Aruba y St Maarten te na momento di cierre di oficina, ora di Hulanda, no a ricibi nada. Pero a resulta cu despues cu tur hende a bay cas na Hulanda, e carta a wordo firma esta despues di 6’or ora di Aruba. Esey a causa e confusion. 

ULTIMATUM

Ademas van Huffelen a sigura tambe cu Aruba mester ta cla prome cu fin di December di 2023 cu e adaptacion di ley di LAFt y e acuerdo pa refinanciamento pa COVID19 pa Aruba por haya beneficio pa paga menos na interes. Minister di relacionan di Reino de Jonge a bisa cu e fecha ta 1 december 2023, y van Huffelen a bisa tambe cu e ta prome cu 1 di januari 2024 pero no tabata corda e fecha exacto. Click AKI pa mira e video.