Premier Wever ta sigura cu Aruba a firma acuerdo pa refinanciamento cu Hulanda

ORANJESTAD – Algun ora despues cu Noticiacla a haya confirma di Hulanda cu no a ricibi nada di ni Curacao ni Aruba pa loke ta firmament di e acuerdo, premier Wever a manda un comunicado confirmando lo contrario: “Awe Gobierno di Aruba a firma acuerdo di refinanciamento cu Hulanda pa e debenan di Covid: 20 aña na interes di 6.9%”, e mandatario a bisa. “E interes no ta conforme mercado, y pesey Gobierno di Aruba lo sigui haci su maximo esfuerso pa haya fiansa na interes mas abou” e ta sigui bisa. Ademas e ta bisa cu mayan mainta 8’or den un conferencia di prensa, e lo elabora mas extensamente riba e tema aki. 

PROME CU ESAKI

Manera cu e portal aki a raporta, anteriormente e informacion tabata diferente.  For di department di relacion di Reino di Hulanda diaranson anochi, pa 10’or ora di Hulanda, nan a confirma na noticiacla cu Aruba ni Corsou a firma e acuerdo di prestamo pa refinanciamento di Covid19, mientras cu St Maarten si a haci esaki. “Ta berdad, Aruba y Corsou ainda no a firma. St Maarten si” tabata e contesta ora cu tabatin 10’or ora di Hulanda. “Si tin cambio despues, lo avisa” tabata e mensahe cu e portal aki a ricibi diaranson atardi for di Hulanda. Awe tabata e deadline pa Aruba cumpli cu e pago di e debe di mas di 900 miyon florin di Covid. Pero como cu Hulanda a duna Aruba e chens pa refinancia, esaki tabata condiciona na un acuerdo cu mester a keda firma mas tarda awe mainta. Si no tin firma pa un refinanciamento, e ora Aruba y Corsou mester paga e debe den un solo tiro, cu ta algo cu ningun di dos pais por haci realmente. E pregunta ta si Aruba a cumpli na tempo y kico esaki ta nifica aworaki, ta bira conoci diahuebs ora cu Hulanda reaciona. No ta kere cu Hulanda lo haci dificil si Aruba tabata algun ora laat y cu a manda e documento firma, despues di e ora stipula.  

REACCION PROME MINISTER

For di prome minister di Aruba Evelyn Wever Croes mas trempan, e la reacciona riba e hecho cu Aruba y Hulanda no por a yega na otroi ainda otro ainda pa loke ta e interes abou riba e debe di Covid. Segun Wever Croes, e ta basa su mes riba e disertacion di e professor Nicolai den Eerste Kamer riba e tema aki. E professor a bisa cu Hulanda ta castigando Aruba envez di yuda. Y segun Wever Croes, e professor a usa palabra fuerte den su disertacion contra Hulanda. Cu esaki e ta mustra cu esaki por ta e motibo pa cual Aruba lo a opta pa no firma. RIba e pregunta directo di e portal aki na e prome mandatario, e no a contesta ainda.