Un welo cu a abusa su nietonan a haya castigo di prison

ORANJESTAD – Un welo cu a abusa su tres nietonan, a haya 42 luna di prison. Ta trata di e homber D.C.Y. (63 aña). El a wordo condena awe pa 42 luna di castigo pa abuso sexual di su tres nietonan. Exigencia di fiscal tabata 48 luna.

E CASO

E caso a wordo trata riba 22 april ultimo. Durante e caso, Y. a nenga tur cos. E la wordo acusa di, den e periodo di januari 2013 te november 2013, a viola su nietonan cu e tempo ey tabatin 13 y 11 aña di edad y di den e periodo di januari 2011 pa augustus 2013, a comete abuso sexual contra su nieto cu e tempo ey tabatin 7 te cu 9 aña di edad.