Always y Avanse ta bautisa uniform nobo apoyando y motivando atletanan local

(ADVERTORIAL)

ORANJESTAD - Always ta un marca mundialmente reconoci, cu ta ofrece un liña amplio di producto pa higiene personal. Productonan di calidad halto cu ta diseña pa brinda seguridad y proteccion na e ser femenino durante nan ciclo menstrual. Un marca cu un relación unico cu e ser femenino y cu ta celebra esaki door di apoya hende muher den deporte. Always ta conoci pa su dedicacion na empodera nos ser femenino y aki na Aruba ta haci esaki cu e iniciativa di #KeepHerPlaying y #LikeAGirl. Iniciativanan unda ta promove deporte entre nos hobenan apoyando y patrocinando deportistanan y clubnan deportivo local. Always a organiza diferente camps deportivo y awor aki ta patrocinador di diferente team di futbol femenino local, incluyendo Team Estrella Damas y Team Britannia Damas, 2 di e mihor teamnan local.

Always kier pa mucha muhernan sigui practica nan deporte preferi y na mes un momento sinti nan mes sigur y proteha, sigurando cu nan por logra tur meta cu nan pone nan dilanti.

E siman aki Always a anuncia un partnership nobo cu Avanse-Club Gimnastico Arubano, unda ta patrocina un grupo di atletanan hoben, cu lo representa Aruba den exterior na Copa Gilling cu lo topa lugar na Cancun, Mexico di 4 te cu 8 di October. Team di Avanse y Always, distribui pa Compra na Aruba a haci bautiso oficial di uniform nan nobo pa e team pa asina nan por luci y representa nos pais dignamente den exterior. Like y Follow e Facebook page di Always Aruba pa haya cobertura exclusivo di nos atletanan y nan participacion den nan próximo competencia internacional.

Club Avanse a wordo funda 12 di September 1984 door mr. Armand Hessels y Mr. Glen Lande y actualmente tin mas di 150 miembro activo. Team di Compra kier a manda un palabra di exito na Club Avanse.