Minister Hulandes ta evalua prohibicion contra cachonan cu mordi agresivo

DEN HAAG – Minister demisionario Ademas kier tin un bista serio na e prohibicion contra cachonan di cua nan mordi ta agresivo. E la papia recientemente cu cirujanonan plastic riba incidentenan unda cu victimanan tin biaha ta keda seriamente mutila y desforma, y a spanta hopi di esaki. E ta laga investiga kico e posibilidadnan ta y lo bin despues cu un plan concreto.  Adema a reacciona riba e partido VVD cu kier a bin awe, riba dia di bestia cu un plan pa introduci un prohibicion pa dek y tene cachonan agresivo. Aki lo mira por ehempel na caracteristicanan peligroso manera ‘kakumbein (kaak) grandi’ di cacho. Tin rasa unda cu un mordi di cacho ta mas peligroso cu otro, unda cu e kakumbein ta lock, y cu no por habri esaki bek su mes, sin ayudo.  E partido a haya sosten di otro partidonan di coalicion manera D66, CDA y ChristenUnie. Cu esaki tin un mayoria den Parlamento cu ta haya cu mester haci algo pa reduci e cantidad grandi di incidente di mordi di cacho.