Fundacion Klein Aruba a lansa grupo di carnaval dirigi na turistanan bishitante

ORANJESTAD - Na Paseo Herencia, Stichting Klein Aruba a lansa su grupo nobo pa Carnaval 70. Cu diseñonan exclusivo den e tema "Tribute to Aruba",  Jarissa Dubero como creador y  diseñador  a duna realse grandi na Aruba su cultura. E lugar tawata yena cu turista- y localnan cu di biaha a cuminsa inscirbi pa participa na nos carnaval. Den e publico por a admira presencia di representante di hotelnan local, SMAC, ATA, AHATA y presidente di stichting Klein Aruba, Arthur Kelly.  

CARNAVAL 70

Musical Time bou guia di Leo Rodriguez lo ta e banda cu lo compaña e miles di participantenan den e 6 paradanan di Carnaval 70. 

TRAHENAN y COSEDO

Cada parada lo tin un trahe diferente. E temanan ta entre otro pa  Fakkel "E Escudo di Aruba" den colornan oro y preto. Pa Sunset Parade e tema ta "Aruba su Piscadornan". Pa Lighting Parade Oranjestad, e tema ta Dera Gai. Otro tema cu diseño bunita luci ta "E Gutu". E pisca aki ta responsabel pa Aruba su Santo Blanco di e Playanan. E trahenan dje "Gutu" ta pa Parada di San Nicolas. Pa Oranjestad  e tema ta:  "Aruba su Placa". E 10, 25, 50, 100 y 200 florin ta domina pa e color Oranje cu ta resalta. E oranje ta simbolisa e nomber di Oranjestad.  

WEBSITE y INSCRIPCION

Tur hende cu ta desea di participa cu e grupo aki, por bishita: www.arubatouristcarnivalgroup.com.  Por bishita desde diaranson e paginanan di ATCG riba FB y Instagram. Aki ta haya tur informacion necesario inclui prijs, size, diseño, splicacion di temanan y mas.