Aruba usa pa bende bapor di container na findishi miyonario

ORANJESTAD – E bufete di abogado di Rotterdam AKD, a completa e benta di e findishi die bapor di container Caribbean Sea, den corte di Aruba. E banco Rabobank a pone beslag riba e bapor na Aruba, pa un debe di riba 28 miyon dollar. Henter e proceso for di momento di beslaglegging y e findishi, a tuma apenas 20 dia. E ta bolbe mustra, segun e partner Haco van der Houven van Oordt, cu reino Hulandes ta reconoci como un lugar uza pa detene bapornan y regla un proceso legal lihe.

BESLAG

E bufete a pone beslag riba e bapor riba 25 di maart 2015, pa debe di hipoteek atrasa di $28,398,786, y a wordo bendi na findishi dia 14 di april ultimo. “Hopi accreditor hipotecario sa di e hopi beneficionan di bende bapornan na findishi na Rotterdam, pero poco ta realisa cu por tuma beneficio di e mesun sistema ora cu bende na findishi na un otro lugar den reino, manera Aruba.

FACILIDAD

Loke ta haci e asunto aki interesante, ta cu e proceso pa pone beslag por tuma lugar sin retraso, solamente cu presentacion di un peticion riba papel, conteniendo un sinopsis di e claim. “No tin ningun necesidad di un machtiging di un abogado, y no ta rekeri prueba di beslag.

SISTEMA LEGAL

Den e caso aki a uza Aruba pa pone beslag, mirando cu e bapor ta uza e ruta di carga den e region caribense. E sistema legal na Aruba ta casi identico y como tal e ta ofrece oportunidad igual pa busca husticia relaciona cu reclamonan maritimo.