- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Corsou ta registra caso di asesinato riba homber di 26 aña
WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.
E víktima tabata den kompania di un hende muhé i ámbos a keda hibá CMC den un outo partikular.
Sentral di Polis a dirigí tantu e unidat di warda di polis di Otrobanda komo reshèrshinan pa hospital, pa asina por kuminsá ku investigashon den e kaso aki.
Durante ku e personal di reshèrshi tabata atendiendo e kaso na hospital, a drenta e informashon ku e víktima, hende hòmber Tahyr Rashied G.H. Jansen di 25 aña di edat nasé na Kòrsou a fayesé a konsekuensia di e herida ku el a sufri.
E persona hende muhé ku tabata huntu ku e víktima, e momentu ei no tabata ke a duna niun informashon. Polisnan ku tabata trata di yega na informashon, pa sa na unda e suseso a tuma lugá, no por a saka niun informashon for di e mucha muhé aki.
Esaki tabata motibu ku reshèrshinan a bai ku e mucha muhé S.E.C. di 18 aña di edat nasé na Kòrsou ku tabata huntu ku e víktima pa interogashon, pero despues di esei el a keda detené sospechá di homisidio, asesinato pre-meditá òf kómplise na esaki. Defakto akusashonnan hopi serio. Fiskal ouksiliar a ordená su enkarselashon pendiente di mas investigashon.
Kontinuando ku e investigashon, den oranan di dia di 24 sèptèmber 2023, polis a lokalisá e vehíkulo den kua e víktima a keda tres’é C.M.C. i a konfiská e outo pa mas investigashon. NOTA: Texto ta scirbi den Papiamento fonetico di Corsou.
Telecuracao a lanta plat awe. Trahadornan a bay den accion !
WILLEMSTAD - Personal di TeleCuraçao a akudí awe mainta tempran na sede di sindikato ABVO. E trahadónan tin inkietut relashoná ku desishonnan resien di parti di maneho di e planta.
Na Corsou detenido kier a comete suicidio den cel sperando transporte pa SDKK
WILLEMSTAD - Ayera miembronan di LBD ku ta mantené órden públiko na Kas di Korte i tambe ku ta atendé ku detenidonan, a yama nan miembronan di sindikato Straf i NAPB, despues ku un detenido a sali fo’i tratamentu di su kaso i a trata na kometé suisidio.
Na Corsou a tira homber mata den porta di su cas diaranson anochi
WILLEMSTAD - Ayera nochi polis a keda dirigí pa Kaya Tamburero na Kirindongo Abou kaminda tabatin un kaso di tiramentu. Tur kos tabata indiká ku tin un hòmber den un kas, ku herida di bala i tabata sangra bastante.
Na Corsou a cera tata y yiu pa traficacion di hende
WILLEMSTAD - Un entrada hudisial dia 24 di òktober a kondusí na dos detenshon. Ta trata di tata i yu A. Nan a keda yamá ayera pa polis pa presentá kaminda interogashon a tuma lugá i segun a komprondé tambe a detené nan. E sospecho ta falsifikashon di dokumento i trafikashon di hende.
Na Corsou a cera 6 restaurant den centro comercial Sambil pa situacion a-higienico
WILLEMSTAD - Despues ku den wikènt a sera diferente establesimentu pa iregularidat manera situashon a-higiéniko i inkumplimentu ku seguridat, ayera a toka turno pa 6 mas. E bia aki e tim di kontrol a bai sentro komersial Sambil.
Barco nobo di Marina Real, “Hydrograaf”, temporalmente na Corsou y Aruba
WILLEMSTAD - Desde su ingreso na Marina aña pasá, e Hidrógrafo a konstruí rápidamente un reputashon, siendo lo último komo barku ku sistemanan avansá hidrográfiko, di nabegashon, i di komunikashon. Ku esaki e barku ta kapas di registrá ku presishon, awanan, hafnan i kanalnan di nabegashon. E kapasidat aki ta hunga un ròl esensial den nabegashon ku seguridat riba rutanan marítimo i den e mantenshon di seguridat di e awanan di Region Karibe.
Follow NoticiaCla
