Mama di persona perdi ta haci apelacion na comunidad pa yuda haya su yiu bek

ORANJESTAD – Un siman despues cu e yiu a perde, su mama Danila Werleman a haci un yamada publico na comunidad pa yiuda localisa su yiu muher Ishma Werleman. Segun e mama, un siman despues cu a detecta cu e yiu a perde, no tin ningun informacion di su paradero. Polis ta buscando rond, segun e mama, pero nada concreto. Algun persona a raporta cu nan lo a wak e pero esey no a resulta berdad. E mama ta sigura cu e yiu ta perdi, y cu e la perde despues cu e la bay di Fundacion Contra Violencia Relacional, y keda cerca su casa. Problema ta cu su casa, segun e mama di e señora perdi, ta un persona problematico ora cu e bebe, y ta bira violento. Pesey e casa, esta e yiu perdi, a bandona e casa y a bay keda na e fundacion, pa su seguridad. Sinembargo, segun e mama ta sigui conta, e casa lo a ‘papia bunita’ cu su muher (e yiu perdi) y asina logra haye bek na e cas. Pero e mama ta sigur cu ta na e cas di e casa, e yiu a perde y no na e fundacion. Segun informacion di e mama, e yiu Ishma a wordo mira ultimo cu un carson y blusa preto, cu un tas blauw den cual e tabatin cuminda. Si sa algo di dje, por yama telefon 100 na polis of 641-2426 of 630-6930. Potret di conferencia di prensa ta cortesia di Noticia Impacto.