Salario di Rey Willem-Alexander ta aumenta otro aña cu 55 mil euro

AMSTERDAM – Rey Willem-Alexander y Reina Maxima nan salario ta aumenta atrobe considerablemente otro aña. Na tur, nan ta haya 600 mil euro extra na salario y gasto di operacion diario. Esaki ta conforme e desaroyo di salariuo conforme e CAO   pa Gobierno di Reino. E salarionan ta aumenta pasobra e ta wordo compensa pa inflacion. 

SALARIO DI REY

E salario di e Rey ta aumenta cu 55.000 euro pa casi 1.1 miyon euro pa aña. Su casa Maxima ta gana 20.000 euro mas y ta gana e oera 431.000 euro pa aña. Prinses Amalia tambe ta conoce un aumento di salario, pero e ta debolbe e aumento bek den caha di gobierno, y ta cuminsa cobra te despues cu e gradua di Universidad. Conforme statuut, Rey, su sucesor, e monarca abdica y nan casa, no tin cu paga loon of inkomstenbelasting. 

AUMENTO DI GASTO

E gastonan total pa Cas Real otro aña ta suma 44 miyon euro, cu ta un aumento di 11%. Nunca antes e gastonan a aumenta asina halto desde cu Willem-Alexander a bira Rey na 2013. Añanan anterior e gastonan a aumenta tambe pero no dje hopi ey.