Telefon pa Hubentud ta presenta ‘I stopped it! Video # 3

(VIDEO ADVERTORIAL)

ORANJESTAD - Como hende hombre, nos ta enfrenta hopi presion social. Mester ta fuerte, mester ta esun cu ta trece placa na cas, mester ta capaz di tin hopi emocionan cu no mag di expresa. Nos sa cu hende hombernan no ta busca ayudo y esaki ta afecta nos crecemento personal. 

Masculinidad saludabel ta ora hende homber expresa su mes honestamente, expresando emocion, necesidadnan, responsabilidnan y tambe su deseonan. Mi ta scohe masculinidad saludabel, I stopped it! 

Pa reduci violencia den nos comunidad, Fundacion Telefon pa Hubentud Aruba conhuntamente cu HIAS Aruba a desaroya e proyecto: I Stopped It. I Stopped It ta un proyecto preventivo cu ta trata di reduci violencia bao di mucha, hoben y adulto. For di februari te cu juni di e aña aki muchanan den 8 scol basico den klas 4, 5, y 6 a ricibi I Stopped It. Durante 4 sesion a ricibi informacion tocante Violencia relacional, Violencia relaciona cu genero y Masculinidad saludabel. E muchanan a termina I Stopped It comprometiendo di lo contribui pa stop violencia na scol, na cas y den nos comunidad. 

Despues di e muchanan, ta toca turno awor na e hoben y adulto pa ricibi I Stopped It. Pa medio di 3 video lo comparti informacion cu comunidad tocante Violencia relacional, Violencia relaciona cu genero y Masculinidad saludabel. 

Aki nos ta comparti e prome video cu ta informa tocante masculinidad saludabel. 

I Stopped It ta ser financia door di Gobierno di Estados Unidos. 

Pa mas informacion tocante di I Stopped It por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: telhubentud@gmail.com of telefon 5886138/ 5884011.