Rey Willem Alexander: Lo traha hunto cu islanan CAS na un economia prepara pa futuro

DEN HAAG – Atencion pa islanan CAS, esta Aruba, Corsou y St Maarten a keda describi den 21 palabra den e discurso di Rey Willem Alexander diamars mainta durante e apertura di aña Parlamentario Hulandes, conoci como Prinsjesdag. “Cu e paisnan autonomo Aruba, Curaçao y Sint Maarten, e gabinete (Rutte:Red) ta traha hunto na un economia prepara  pa e futuro y una gobierno di calidad halto”, tabata e palabranan dedica pa nos islanan. Mester bisa cu henter e discurso tabata di un caracter mas chikito, debi cu e gobierno ta demisionario, pues no por bisa concreto di e futuro, ya cu esey ta keda pa e proximo gobierno cu sinta despues di e eleccion Parlamentario na November proximo. Notable tabata presencia di Gobernador di Aruba Alfonso Boekhoudt y Minister Plenipotenciario Ady Thijsen na e ceremonia awe mainta den e schouwburg. Pa e discurso completo, click AKI.