Welga di ground crew di KLM posponi temporalmente debi na oferta nobo di e aeroliña

SCHIPHOL – E sindicato CNV a para e plan di e ‘ground crew’ di KLM pa welga, ora cu e aeroliña a priminti pa haci un miho oferta den e acuerdo di CAO nobo. E oferta tabatin suficiente puntonan di apertura pa e sindicato bolbe na mesa di negosacion. “E disposicion pa un accion nunca tabata mas grandi entre nos miembronan” CNV a bisa. “Nos kier mantene e presion riba KLM te ora cu nan pone palabra den accion”. 

DEMANDA

E sindicato a demanda un aumento di salario di 14.3% y a menasa di bay den accion si e compania no a responde na e ultimatum. E aumento mester compensa pa e inflacion di 2023 y e compensacion automatico di prijs na 2024. E ultimatum tabata awe 14 di September 2023. KLM anteriormente a propone un aumento di salario di 9% reparti riba 2 aña cu e posibilidad pa un coreccion di inflacion di casi 2% pa 1 di januari 2025. E sindicato a considera esaki tremendamente inadecua y a demanda e aumento nobo menciona.