Caso di droga den avion di Laser Airlines pa Aruba den corte

CARACAS – Ministerio publico di Venezuela a acusa e 4 empleadonan di e linea aereo Laser, y un agente di seguridad di empresa VeneAVSecE formalmente pa delitonan cometi dia 18 di maart ultimo. Riba e fecha ey, a haya 7 bulto di heroina den un avion di e aerolinea Laser cu tabata poni pa bula pa Aruba for di aeropuerto di Maiquetia e dia ey.

MINISTERIO PUBLICO 

E fiscal di estado Vargas, Jeylan Sandoval, den e caso aki a acusa e inspector Pedro Delgado supervisor Franklin Viloria, y e tecniconan aeronautico (mecanico) Rauger Pérez y Carlos Verherl, y e agente de seguridad Yeffersson Romero, pa posibel comision di delito di trafico di substancia narcotico y cu e intencion di transporta esaki. Tur e personanan aki ta deteni.

E CASO

Tabata durante un control rutinario (pasobra e avion a drumi na e termina anochi), un funcionario a haya den e baño di e avion, e heroina cu tabata pisa 8 kilo, 57 gram cu 3 miligram.