Huez a aproba pa pospone tratamento di caso di extorsion contra Joran vd Sloot pa December 2023

BIRMINGHAM, Ala. (AP) — Un huez federal a bay di acuerdo pa pospone e caso di extorsion contra Arubiano Joran vd Sloot te mas laat e aña aki, pa duna su defensa mas tempo pa prepara. Esaki a keda dicidi riaranson mainta. Mas tempran Noticiacla a raporta riba e caso aki unda cu tabatin dificultad pa vd Sloot yega na un acuerdo cu autoridad Mericano pa evita un estadia largo den prizon. Mas prome tambe a raporta cu a pidi pa pospone e fecha di e caso cu 45 dia. Esaki a keda aproba unda cu awor e fecha lo ta despues di 4 di December di e aña aki, compara cu dialuna proximo 18 di September. Van der Sloot ta na Merca, extradita for di Peru na juli ultimo, pa e caso di extorsion. Unabez cu e caba cu e caso aki, e tin cu bolbe Peru pa caba sinta e castigo di prizon pa asesinato di e Peruana Stephany Flores na 2010.