Kamminga: Pasenshi di partido VVD ta cabando cu gobierno di Aruba riba situacion di RAFt

Posted on 09/13/2023 4:50 pm AST | Updated on 09/13/2023 4:57 pm AST

DEN HAAG – Pasenshi di partido VVD (partido mas grandi di coalicion na mando na Hulanda) ta cabando cu (gobierno di) Aruba pa loke ta e asunto di RAFt. Asina miembro di e partido VVD, Roelien Kamminga a bisa secretario di estado Hulandes Alexandra van Huffelen diaranson durante tratamento di presupuesto supletorio pa BZK. “Presidente, e pasenshi di VVD ta cabando mientrastanto. Y realmente, e iritacion riba esaki ta aumentando” Kamminga a sigui bisa. “Sigur si mi tende tur e declaracionan di prome minister riba e tema, y e ora mi kier men minister presidente di Aruba”, e miembro di Tweede Kamer a clarifica.

HOPI CLA

Si tabatin duda, e parlamentario Hulandes a clarifica esaki un biaha mas:”Laga mi ta hopi cla. Pa loke ta trata VVD, pa loke ta trata e regla di bon supervision pa medio di un Rijkswet, tabatin palabracion pa cu e discusion aki riba e extencion di e prestamo aki. Esey nos a bisa anteriormente caba y pa cual nos a entrega un mocion cu colega van de Berg” Kamminga a sigui bisa. “Mi a scucha e secretario di estado bisa cu esaki tambe ta un condicion crucial p’e, pero mi kier a check cu ne si e ta un condicion concreto , pasobra ta ranca si cu e dossier aki, y si mi tin cu kere loke ta scirbi den (e corant) Antiliaans Dagblad, e ora ta parce cu lo tin caba un tipo di solucion hybrido, y mi ta hopi curioso pa sa con esaki lo bira”. Cu esaki e parlamentario ta cuestiona si e gabinete ta wantando na e palabracion cu Aruba cu mester di un Rijkswet, pa awor bin tende cu ta papiando riba un otro areglo, den forma di esun cu Aruba a sugeri recientemente, esta esun hybrid. Ademas e tabata kier a sa kico tabata e minimo cu mester tabata para den e Rijkswet pa cumpli cu e palabracion. Despues e secretario di estado a contesta e pida ey bisando cu e no por bay den tur condicion, pero sigur 2 cu ta crucial, cu ta cu e mester tin e normanan palabra, y cu mester tin un tipo di supervision, manera cu tin awor cu CAFt. Kamminga tabata kier sa con Tweede Kamer lo a wordo envolvi pa cu e control segun e contenido di e Rijkswet.

RIJKSWET IMPONE PA HULANDA

Segun Kamminga, e reformanan ta essencial pa drecha e situacion, pa cual mester di e Rijkswet. “Solamente cu e reformanan lo tin espacio duradero pa e economia, pa desaroya y pa crece mas hopi. Ey ta unda cu mi preocupacion ta”. Ademas e la mustra su frustracion pa cu e pensamento eroneo cu Hulanda lo ta imponiendo algo. “Mi ta blo tende cu Rijkswet lo ta impone desde Hulanda, y esey mi kier desmenti. Mi a bisa esey caba y mi ta lamenta berdaderamente cu un ley di consensus di Reino, cu segun mi ta un vehiculo hopi bon pa haci hunto unda cu hunto bo ta haci palabracionan cu ta masha usual den un relacion di cooperacion, sigur den un relacion madura, pa awor ta menasa di bira un instrumento pa determina ken ta hefe, y esaki mi ta realmente lamenta”, Kamminga a finalisa bisando. Por scucha su declaracion AKI.

KNVB: Wega suspendi entre Ajax y Feyenoord na Hulanda, ta sigui diaranson awor
AMSTERDAM – E resto di wega di futbol suspendi diadomingo entre Ajax y Feyenoord, conoci como e wega classico, ta sigui diaranson atardi 2’or ora di Hulanda. Un wega cu ta hopi popular entre amantenan di futbol na Aruba. Asina e federacion Hulandes di Futbol KNVB a anuncia dialuna mainta. E wega a keda suspendi diadomingo debi na vuurwerk riba tereno cu a desemboca despues den violencia di e manifestantenan conoci como Hooligans. Sinembargo tanto Ajax como Feyenoord ta evaluando pa demanda KNVB den corte, pasobra nan no ta di acuerdo cu e decision tuma. Ajax tin un wega programa cu otro ekipo, cu ta FC Volendam.
Mas Hulanda
Lesa Mas
KLM a yega na acuerdo cu pilotonan, evitando un welga awe
SCHIPHOL – Pilotonan di KLM no a bay den accion dialuna manera planea pa un ora pa un miho CAO. Esaki pasobra KLM a anuncia diadomingo anochi cu a yega na un acuerdo toch. Segun e aeroliña, e sindicato y pilotonan a haya otro riba liñanan grandi. E siguiente dianan e acuerdo mester wordo elabora mas. E sindicato tabata kier un aumento di salario di por lo menos 6% pa aña, mientras cu KLM tabata dispuesto pa solamente 5%. E intencion tabata pa entre 11’or y 12’or dialuna (un ora) pone trabou abou. Esey lo a causa cu 15 buelo lo mester a core retraso.
Mas Hulanda
Lesa Mas
Na Hulanda polis a detene 15 persona despues di wega suspendi entre Ajax y Feyenoord
AMSTERDAM – Un total di 154 persona a keda deteni despues cu di e wega suspendi entre Ayax y Feyenoord diadomingo. Ademas 2 agente policial a keda herida despues di e disturbio cu un grupo di problematico conoci como Hooligans a causa. Centenares di fanatico a drenta e entrada principal di e stadion Johan Cruijf Arena den forma cviolento despues cu e wega a keda cancela ora cu tabatin vuurwerk riba e tereno. Mester a usa gas lagrimogeno pa trece trankilidad bek.
Mas Hulanda
Lesa Mas
Gobernadornan di islanan CAS a reuni cu secretario di estado van Huffelen
DEN HAAG – Gobernadornan di Aruba, Corsou y St Maarten e siman aki a reuni cu secretario di estado encarga cu asuntonan di Reino, Alexandra van Huffelen segun e asina yama ‘Gouverneursoverleg’ manera ley ta prescribe.
Mas Hulanda
Lesa Mas
Tweede Kamer Hulanda: Aumenta salario minimo pero no prijs di gasoline y trein
DEN HAAG – Parlamento di Hulanda, osea Tweede Kamer kier cambia e presupuesto di otro aña cu 4 biyon euro pa por aumenta e forza di compra di e ciudadano Hulandes. Mocionan pa aumenta salalario minimo, reduci accijns riba gasoline y no aumenta e tarifa di carchi di trein, a keda acepta durante e debate di dos dia riba e presupuesto di Tweede Kamer diahuebs. Dos mocion no a logra cu tabata entre otro e proposicion di lider di PVV di Wilders pa no aumenta e salario di Rey Willem-Alexander cu 55 mil euro otro aña.
Mas Hulanda
Lesa Mas
Salario di Rey Willem-Alexander ta aumenta otro aña cu 55 mil euro
AMSTERDAM – Rey Willem-Alexander y Reina Maxima nan salario ta aumenta atrobe considerablemente otro aña. Na tur, nan ta haya 600 mil euro extra na salario y gasto di operacion diario. Esaki ta conforme e desaroyo di salariuo conforme e CAO pa Gobierno di Reino. E salarionan ta aumenta pasobra e ta wordo compensa pa inflacion.
Mas Hulanda
Lesa Mas