Joran vd Sloot lo tin problema pa cera deal cu autoridad Mericano, evitando castigo di prizon

MONTGOMERY - Joran van der Sloot, e sospechoso principal di e mericano Natalee Holloway na Aruba na 2005, no por yega na un deal cu autoridad Mericano.Por lo menos segun e portal  Mericano Messenger ta raporta cu su fuente a informa cu e partidonan ta hopi leu di otro pa yega na un acuerdo. E famia di vd Sloot sinembargo a bisa Noticiacla recientemente cu mayoria di e informacion riba dje, no ta cuadra cu berdad y nan no sa unda e informacionan incorecto ta sali na cla. Asina mes e informacion publica den medio Mericano ta bisa cu Van der Sloot kier menos tempo di prison, pero pa esey e mester tin un deal cu autoridad Mericano. Ta trata di e caso di extorcion pa cual a extradite for di Peru recientemente y pa cual e mester wordo trata den un corte Mericano proximamente. Ayera Noticiacla a raporta caba cu su abogado a pidi 45 dia extra di tempo pa por trata su caso. E tempo extra inicial cu e la haya, ta vence dia 2 di October proximo. Fiscal di e estado Alabama kier pa vd Sloot pasa un periodo largo den prizon pa loke e la haci. Un eventual deal, por inclui cu vd Sloot ta haci admission di culpabilidad den cierto grado, cu por evita un caso completo. Si e no yega na un deal, e caso ta continua cu chens cu e por haya un castigo di prizon largo. “Nan ta hopi leu di otro. Si nan no yega na un acuerdo, lo tin un caso den corte” e fuente yega na e caso, a bisa. E deadline pa informa corte si vd Sloot ta admiti culpabilidad of bay e caso, ta 18 di September proximo. Pero esaki awor ta den duda mirando cu a pidi 45 dia extra. No ta conoci si e 45 dia ta cuminsa conta entrante 18 di September of 2 di October proximo.