Polis: Lo sigui kita borchinan illegal den tur districto na Aruba

ORANJESTAD – Dialuna atardi, polis a confirma cu nan lo sigui kita borchinan illegal den tur districto, pero no a bisa ki dia ni cua districto lo continua awor. Considera como un proyecto di un klas di polis, Wimbomar Krozendijk y team a logra den 4 dia pa bay cu 200 borchi.

CANTIDAD DI BORCHI

E accion inicial cu a dura cuater dia a resulta den kitamento di 200 borchi. E tabata un proyecto grandi pa cual nan a traha hunto cu dos empleado di DIP y uno di DOW, cu a zorg pa un truck y su operador pa por kita e borchinan.

GEDOOGD BELEID

Wimbomar Krozendijk a splica cu pa cu e borchinan di propaganda banda di caminda a aplica un forma di “gedoogd beleid” den transcurso di añanan, pero cu mas y mas borchi a wordo poni y a bira tempo pa kita nan y pa regula esakinan manera determina den nos leynan.

AREANAN CUBRI

El a bisa cu e siguiente paso pa e grupo aki ta pa traha nan verslag y presenta e proyecto pa medio di un “powerpoint presentation” pa nan docentenan pa nan por finalisa nan opleiding. Actualmente nan a cubri un area grandi caba, esta for di Paradera, den Santa Cruz y Barcadera.