Tata di Natalee Holloway bek na Aruba despues di 10 aña

ALABAMA – Relaciona cu e di 10 aniversario di desaparicion di e turista mericano Natalee Holloway, su tata Dave Holloway, ta bolbe Aruba, hunto cu un ekipo di e programa investigativo Inside Edition su reportera Lisa Guerrero. E meta ta, pa haya contesta y resolve pistanan nobo. E fecha di e aniversario, ta 30 di mei. Un di e ‘pistanan nobo’ ta Jurrien de Jong, cu ta sigura cu e ta testigo di desaparicion di Natalee Holloway.

MINISTERIO PUBLICO

Relaciona cu e pista aki, NoticiaCla.com a compronde for di e fiscal mayor di ministerio publico Eric Olthof, cu cierto puntonan no ta cuadra y como tal esaki no ta mira factibel pa sigui e pista aki mas alew. E supuesto pista ta trata e hecho cu de Jong tabata na e sitio 10 aña pasa unda cu e la mira e sospechoso principal, Joran vd Sloot, carga Holloway y der’e bou di loke awe ta un hotel existente.

INSIDE EDITION

Mirando cu de Jong no a haya e atencion necesario, e la dicidi di aserca e programa di television INSIDE EDITION, y wak con lew e por yega.

ON THE RECORD

Banda di INSIDE EDITION, e programa di Fox News, On the Record, cu Greta van Susteren, tambe ta preparando un special rond di e aniversario di e desaparicion aki. E fecha pa e transmisionnan di e respectivo programanan no ta conoci.