- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
- Pelotero Yiu di Corsou Kenley Jansen tin su mes music label: ‘KJ74 Entertainment’
- Hasta den restante di wega suspendi, Feyenoord ta superior riba Ajax y ta gana 4-0 na Hulanda
Comediante viral Marko ta yega Aruba pa splica dicon muhe ta manda mundo
(ADVERTORIAL)
ORANJESTAD – E cita pa mira e famoso comediante Marko en bibo ta diadomingo 1 di october proximo den Renaissance Wind Creek Convention Center pa 8’or di anochi ora cu e regresa Aruba, pa presenta su produccion titula “El Poder de un Chisme”. Na 2019, Marko a sold out Cas di Cultura, lagando cu e publico cu smaak pa mas.
Aruba ta hopi afortuna di a haya un fecha den e gira actual di Marko cu ta hibando e comediante door di Latinoamerica net prome cu e sigui pa Europa. Como un di e espectaculonan di mas solicita actualmente, el a realisa den fin di siman tra’i lomba un presentacion na Chile cu asistencia di 6 mil persona.
Naci bou nomber di Marco Perez na Venezuela, awendia Marko ta un di e comediante y influencernan di mas grandi di e rednan social. E tin riba 30 miyon di siguido entre Facebook, Instagram y TikTok. Personalmente, e ta duna credito di su exito na su nivel di pasion y disciplina pa su arte.
Aunke el a cuminsa caba na 1999, tabata te na 2018 cu el alcansa fama internacional cu a hib’e den gira pa Spaña, Puerto Rico, Argentina y henter Merca cu shownan sold out. E mesun aña el a gana un premio Emmy pa su documental “El Poder de un Post” caminda e ta conta con por haci uzo di rednan social pa haci bon pa otro y con great esey ta sinti.
E ta conta tambe cu e admiracion di artista grandi manera Chayanne, Carlos Vives, Alexis y Fido, Gianluca Vacchi, José Luis “El Puma”, Jason Derulo, Eugenio Derbez, Oscar de León, De La Ghetto, cu kende el a graba video hunto.
Esaki ta e oportunidad pa wak Marko en persona. Entrada ya ta obtenibel tanto online na markoenaruba.eventbrite.nl, como tambe na Super Food y na Espiga de Oro pa e seccion di Plata y Bronze, mientras cu pa cumpra mesa den seccion Oro por manda un mensahe di whatsapp na 592-5069 of pasa na sede di emisora Caliente FM na Windstraat, Oranjestad.
Carchi ta cabando pa wak comediante Marko en bibo na Aruba
Stimami Sterilisami a recauda mas di 40 mil florin pa campaña di sterilisacion
ORANJESTAD - Na su di dos Summer Sidewalk Sale anual Fundashon Stimami Sterilisami a recauda 45,000 Florin, superando e total di aña pasa cu 10,000 Florin. Cada florin recauda lo wordo usa directamente pa cubri e proceduranan di sterilisacion di cacho y pushi bou di e programa nacional di sterilisacion di Stimami Sterilisami, cu a sterilisa mas di 34,000 mascota.
Bucuti & Tara Beach Resort a Celebra Housekeeping Week cu Premionan y Reconocementonan Special
MUSICA: Registracion pa e Prefinals di ACSM2024 ta canando segun expectativa
ORANJESTAD – E registracion pa e Prefinals di ACSM2024 ta canando segun expectativa. Asina Stichting Musica a bisa. Un di e metanan cardinal di Stichting Musica ta pa inova y mehora tur aspecto relata na e organisacion di e festival musical “Aruba Caiso & Soca Monarch” (ACSM). Esaki ta inclui e forma di comunica cu musiconan, cualnan ta e curason di e festival.
Jeon a lansa su cancion cu video clip mas recien ‘Miss Dior’, graba na Hulanda
ORANJESTAD – Recientemente e cantante internacional pero yiu di tera Jonathan Thiel, conoci como Jeon, a lansa su cancion di mas recien cu a wordo graba na Hulanda - "Miss Dior". Den Jeon su ultimo summer tour, Jeon a traha cu diferente artista, productor y musico. Diferente oportunidad a presenta y un di nan tabata pa graba riba un rooftop cu full un setup live Sigur esaki tabata un experiencia magico pa cada persona presente, presentando e cancion di "Miss Dior" en bibo cu un view espectacular! produccion aki . Por spera hopi mas produccion y proyectonan di Jeon na caminda. Pa wak e video clip, click AKI.
Jeon a divulga den Noticiacla LIVE kico ta su deseo di mas grandi!
ORANJESTAD – Cantante internacional di Aruba ‘Jeon’ su deseo mas grandi ta pa e por presenta durante e show di halftime di Superbowl na Merca. Asina e artista orguyo di Aruba a bisa e periodista Tito Laclé den e programa Noticiacla LIVE diahuebs anochi. Mientras cu Jeon a toca p.e. dilanti un publico di 80 mil hende na Texas, a toca por lo menos 4 biaha den Maddison Square Garden na New York, presenta durante e halftime di e wega mas grandi deportivo di Merca, e final di futbol Mericano, esta Superbowl e lo considera su logro di mas grandi. Pero e kier haci esaki su so, como Jeon. E ta cla pa cuminsa traha riba su mes aworaki, aunke cu e la colabora y yuda cu varios artista grandi, cuminsando cu J Balvin cu a dun’e su break grandi, y e la traha cu otro artistanan manera Nicky Jam y mas. Pa wak e entrevista completo, click AKI.
Follow NoticiaCla
