Ta trata finanzas di Aruba den Rijksministerraad diaranson

DEN HAAG – Diaranson un biaha mas Aruba su finanzas lo ta topico di combersacion di gobierno di Reino. NoticiaCla.com a haya confirma cu diaranson awor tin e proximo conseho di minister di reino, osea un RMR (Rijks Minister Raad). E motibo pa e cambio di fecha ta pasobra ta tene cuenta cu ‘hemelvaartsdag diahuebs awor. E topico di finanzas di Aruba y e protocol firma recien, lo ta riba e agenda, y hunto cune, e AMvRB cu ta bay cu e protocol aki.

CONCEPTO AMvRB

NoticiaCla.com a haya den su poder, e concepto di e Algemene Maatregel van Rijksbestuur cu mester a wordo duna na Aruba dia 24 di april ultimo, pero cu a wordo wanta na ultimo momento, debi na intervencion di premier Mark Rutte for di Panama. E combersacionnan cu su colega di Aruba Mike Eman, a conduci cu a opta pa duna Aruba un chens mas y laga reunionnan na Aruba cu minister Ronald Plasterk determina e curso di esaki.

VARIACION

E concepto ta uno cu no ta varia mucho di e protocol cu a keda firma dia 2 di mei. Algun articulo a keda cambia, di cual un di nan, ta cu e ta sosode cu input di Aruba, y no full for di Hulanda. Mas na caminda lo tin un comparacion di protocol pa wak su similaridadnan y tambe e diferencia.