Segun minister, pa prome biaha desempleo na Aruba a baha te na 4.3%

ORANJESTAD - Minister Glenbert Croes a habri siman e anuncio cu pa prome biaha den ultimo dos decada cu e cifra di desempleo ta mas abou cu nunca antes bista. Cifra di desempleo ta na 4.3% segun e mandatario.

E cifranan cu e mandatario a presenta awe ta bay bek te na aña 2000 cu un desempleo di 4.8%. Dje aña ey el a keda fluctua yegando te na nivel di 11.4% di desempleo. P”ero awe orguyosamente nos por anuncia cu nivel di desempleo na un un ‘record-low’ di 4.3%” e mandatario a sigura. E la bisa cu tempo cu e la bira Minister di Labor na 2017, e la hereda un desempleo na 8.9%. Ya pa 2018 su empeño como Minister di Labor a cuminsa duna su frutonan y desempleo a cuminsa baha yegando 7.3% y na 2019, 5.2%. “Lastimamente 2020 Corona a bati na nos porta cu tur su consecuencianan. Ta momento di hopi desespero nos a biba como pueblo y como pais. Pero asina mes nos tur a cera cabes pa hunto surpasa e momentonan dificil cual nos a logra tambe” e mandatario a sigui bisa.