Douane a pone trabou abou na Loods di aeropuerto awe

ORANJESTAD – Douaneronan a pone trabou abou awe mainta debi cu nan no por haci nan trabou drechi pa loke ta control di carga cu ta yega Aruba den loods na aeropuerto. Door cu a pidi reunion pa haya clarificacion y a warda te cu diaranson pa haya contesta. Esey a pone cu e trahadonan a dicidi pa pone trabou abou pa haya un reunion pa haya aclareacion di kico ta e loke mester haci cu e maneho ‘nobo’ cu e hefe cu a implementa e cambio menciona. Segun presidente di e sindicado SADA, Eduard Maduro nan ta lamenta cu e cosnan ta pasando y cu ta pone cu gobierno asina no ta haya nan fair share door cu no por haci e control necesario. Awor cu BBO na frontera, e trabou a bira mas pa controla door di douane. Y esaki aworaki tambe ta pisa. Tin productonan cu antes no mester a paga impuesto ariba, awor tin cu paga BBO envez di invoerrechten. NOTA: E potret ta di archivo di noticiacla di un accion anterior di douane.