Humamento di sigaria na Hulanda ta bira aun mas caro otro aña

DEN HAAG – Sigaria ta bira mas caro na Hulanda debi cu gobierno Hulandes a dicidi cu otro aña ta aumenta e accijns riba e sigaria. Fuentenan di gobierno a informa cu gobierno ta trahando riba e presupuesto pa aña 2024 y aki den e informacion ta aparece. Cu e aumento aki, gobierno kier genera 90 miyon euro extra pa aña.  E ta un forma pa descurasha hende di huma.E aña caba a aumenta e tarifa di un paki di 20 sigaria cu 1 euro, pa 9 euro. Otro aña April, ta aumenta e tarifa y ta bira 10 euro pa un paki. Pero cu e aumento anuncia recien, no ta con mas caro e paki di sigaria lo bira.