- Wever Croes: Lo sinta cu TOPA riba Prestatie Management Sisteem dentro e tempo stipula
- DOW: Ta habri caminda bek na Palm Beach fin di October!
- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
E di 13 edicion di Aruba International Regatta 2023 a conclui na Surfside Regatta Village
ORANJESTAD – The International Aruba Regatta a conclui despues di dos dia yen di actividad riba Diadomingo 27 di Augustus 2023 cu dos ceremonia di premiacion. A reconoce nabegadonan hoben y adulto pa nan presentacionnan fantastico. Premiacion na hoben y di careda di boto Miniatura a wordo presenta pa Minister Ursell Arends, di Naturalesa y Medio Ambiente, y otro premiacionnan a wordo otorga pa Tita Iglesias di Aruba Tourism Authority.
E evento emocionante aki cu su diferente caredanan a tuma luga entre Diahuebs, 24 di Augustus pa Diadomingo 27 di Augustus. Den cuadro cu e recepcion cu hopi entusiasmo di parti di e nabegadonan y publico presente, Aruba Regatta Foundation ta preparando caba pa e di 14 edicion otro aña.
Regatta a consisti di un rango diverso di clase di nabegacion y diferente dipo di boto, cu a presenta un variedad den nivel di abilidad y interes, incluyendo: Optimist, un clase specificamente diseña pa nabegadonan hoben, pa brinda nan un oportunidad pa demostra nan abilidadnan di nabegacion y competi cu otronan; SailQubes tambe tabata un otro clase dedica na nabegadonan hoben, ofreciendo un plataforma competitivo pa juniors demostra nan abilidadnan. F11 tambe a wordo inclui cu botonan F11, conoci pa nan agilidad y velocidad. Participantenan den e clase aki tin hopi mas abilidad den nabegacion cu ta nabega e awanan bruto cu hopi precision. Beachcats tabata un clase cu a participa den careda cu boto mas chikito [catamarans], nan ta botonan traha pa velocidad halto y diversion. Sunfish ta un otro opcion popular na unda bo ta nabega den botonan un poco mas facil pa maneha, cu ta hopi divertido tambe hunto cu tres clase di yate y otro caredanan di yate mas grandi, demostrando elegancia y poder, hunto cu e Multihull, cual ta un clase cu a atrae otro nabegadonan cu hopi abilidad, y otro dos clase caul tabata Live-Aboard Open Yachts pa capitanan cu tabata kier a core careda den Regatta pero di cual e botonan no ta necesariamente diseña pa competi den careda. Sin laga afo e Racing Yachts Class.
Un nivel di record di 75 nabegadonan a participa e aña aki den e siguiente categorianan:
14 capitan di boto miniatura, 3 di Bonaire
9 youth sailors
9 sunfishes
2 beachcats
3 open cruisers
3 multihulls
3 racing yachts.
Condicionnan di biento a percura pa tin bon nabegacion, pero no tabata adecua pa windsurfing, pues esnan di windsurfing no a participa durante Regatta. Adicionalmente, International Aruba Regatta tabata tin tremendo cuminda y bebida pa ambos esnan nabegando y tambe e publico presente. Entretenimento tabata den man di the ORIGINALZ, un banda local di Reggea, hopi talentoso, cual a percura pa un dushi ambiente.
International Aruba Regatta ta pone un enfasis fuerte den loke ta nabegacion di hoben, y conservacion di ambiente marino. E evento tin como meta pa sostene y encurasha nabegadonan hoben, brindando nan un plataforma divertido, saludabel y pa por interactua cu naturalesa den un forma sostenibel.
Ademas, Regatta ta promove conservacion di medio ambiente, areanan marino, conscientisando riba e importancia di proteccion di nos lama y su perservacion. Por medio di combina e diversion di nabegacion cu un enfoke riba cuido di nos medio ambiente, International Aruba Regatta ta promove un maneho responsabel pa loke ta water sports y recreacion.
E evento ta trece e comunidad di nabegacion hunto pa un fin di siman memorabel. Ban bolbe haci esaki siguiente aña mas grandi y mas miho! Danki na Henry Hernandez y Edwig Pontilus kende a bini for di Curacao pa apoya e Regatta Tower. Danki na comentador Evert Bongers pa bo cooperacion excelente. Y un danki ta bay na tur cu a bini manera boluntario, incluyendo e boluntarionan di Regatta Aruba Team cu a yuda haci tur esaki posibel. Bishita e website pa mas informacion riba: https://aruba-regatta.org
Resultadonan:
F-11 (Youth)
1. Aaron de Cuba
2. Sam Bonnevalle
3. Leo-Jelte van der Poel
Optimist (Youth)
1. Joey Ross
2. Laura Bonnevalle
3. Ethan Cunha
SailQube (Youth)
1. Lucas Bonnevalle
2. Lawrence Hernandez
3. Elaih Palacios Frambach
Miniatuurboats 30 Inch class
1. Captain Battle Quandt with Jay El Travieso
2. Captain Pullun Ras with Palmera
3. Captain Guillano Domacasse with Isa
Miniatuurboats 35 Inch class 1. Captain Melissa Domacasse with Jayliah
2. Captain Guillano Domacasse with Linda
3. Captain Fitzgerald Domacasse with Shanti
Miniatuurboats 40 Inch class 1. Captain Fritzgerald Domacasse with Jaja
2. Captain Luizinho Domacasse with Samantha
3. Captain Raji Lamper with Eco Gas
Sunfish
1. Richard van der Wal
2. Zane Winterdal
3. Jan Jaap van Russen Groen
BeachCat
1. Joost Saris / Diederik Kemmerling
2. Greg Marchena
Live-Aboard Open Yachts
1. Captain Les Long with Airpower
2. Captain Stephane Guenegou with Zebot
3. Captain Ingolf Schaedlich with Junkaroo
Multihull Yachts
1. Captain Martin van der Velden Thonic Team
2. Captain Martin Molina with Moondog
3. Captain Sergio Dubero with Inspiration
Racing Yachts
1. Captain Vivan Hankart with Ragamuffin
2. Anthony Hagedoorn with Tranquilo
3. Eric Mijts with Dash
Veld nobo di stadion Guillermo Prospero Trinidad ta wordo evalua awor
ORANJESTAD – E siman aki Prome Minister Evelyn Wever-Croes a bishita stadion Guillermo Prospero Trinidad pa mira con e trabounan ta avansando, y pa cera conoci cu e representantenan di Sportslab, cu ta na Aruba pa haci un evaluacion di e veld nobo. Mirando cu Minister di Deporte Endy Croes no por tabata presente, Prome Minister a represente, y a combersa cu e representantenan pa asina haya un idea di con e evaluacion ta bayendo. Sportslab ta un compania basa na Irlanda cu ta haci "indepedent testing" riba veldnan cu ta uza yerbanan artificial y paletnan di palo. Unabes e resultado ta aden, Sportslab ta mandanan pa FIFA, pa asina verifica si e veld ta apto pa haya certificacion di FIFA.
Seleccion damas di Belize ta gana Aruba 2-0 den cualificacion pa CONCACAF Gold Cup
BELIZE – E seleccion di damas di futbol di Belize a gana e seleccion di Aruba 2-0 diahuebs den stadio FFB. Den e prome mitar no tabatin gol anota. Despues den e di dos tempo ??kh??l? ??wd?n a score e prome gol pa Belize y den e tempo extra e ???t??n ??br?n? ??l?? a score e di dos gol. E siguiente wega di Belize ta contra Bonaire dia 25 di September proximo.
FIFA: Aruba ta un di e dos paisnan cu mas a subi riba ranking internacional!
ZURICH – Aruba ta un di e dos paisnan cu a conoce e aumento mas grandi riba e ranking mundial e siman aki, cu 6 puesto. Asina e federacion internacional di futbol FIFA a informa awe. “Pa loke ta progreso den sentido di lugar, esnan cu mas a subi tabata Guinea Bissau (106th) y Aruba (193rd), ambos cu a subi 6 posicion!” FIFA ta sigui bisa. Esun cu ta keda na cabez, ta keda Argentina cu nan victoria recien di 1-0 contra Ecuador y e exito di 3-0 contra Bolivia durante e wega di apertura di CONMEBOL FIFA World Cup 2026™ pa cualificacion. Francia ta ked ana di dos lugar sigui pa Brazil (3rd), England (4th) and Belgium (5th). Hulanda ta keda na di 7 lugar. Pa e lista completo, click AKI.
E cadena Hulandes NOS ta transmiti tur wega di Nations League di Hulanda cuminsando mayan
AMSTERDAM – Mayan ta cuminsa e weganan di futbol femenino di e seleccion di Hulanda na Nations League. E weganan di e ekipo di e entrenador Andries Jonker lo ta transmiti di awor pa proximo dos aña pa e cadena nacional Hulandes NOS en bibo. NOS no tin solamente e derecho di Nations League pero tambe tur e weganan di cualificacion pa mundial di Futbol. Esaki sigur ta interesante pa esnan na Aruba cu ta sigui futbol Hulandes atentamente.
Dick Advocaat den combersacion pa bira entrenador di seleccion di Corsou
AMSTERDAM – E entrenador veterano Hulandes di futbol, Dick Advocaat (75) ta den combersacion pa bira e entrenador di e seleccion nacional di Corsou. Asina e portal ESPN ta raporta diabierna. Na juni e la despedi di e seleccion di ADO na Den Haag. E combersacionan cu Corsou ta andando pero ta mustra hopi positivo, segun e portal. Na Corsou, Advocaat lo reemplasa Remko Bicentini cu mester a bandona e seleccion despues cu Corsou a keda elimina di e Gold Cup den e ronda contra Saint-Kitts y Nevis.E tabata poni tambe pa hiba Corsou pa e Copa Mundial di 2026, pero esey awor ta bira mas bien e tarea di Advocaat. Despues cu a core cu Bicentini, Dean Gorré a bira e entrenador di e seleccion di Corsou.
Aruba ta cay venci contra Puerto Rico den e Tier I 2023 di Challenge Series Championship U14
ST JOHN’S – E seleccion di futbol damas U14 a gana di e seleccion di Aruba diadomingo den eTier I 2023 Caribbean Football Union Girls’ U14 Challenge Series Championship 5-0. E wega cu a tuma lugar na e Antigua and Barbuda Football Association’s Centre na St John’s, y tabata un di e weganan mas anticipa debi cu ambos ekipo tabata invito den nan grupo y e fase semi final. Puerto Rico cu tabata di dos despuesdi Haiti den e ultimo edicion di e competencia, kier a cambia nan fortuna den e final contra e campeonan di Tier II, esta Aruba. Camila Adame a habri e marcacion cu e prome gol pa Puerto Rico den e 25 minuut, ora cu e bala a pasa e man di e arkero di Aruba Tyanne Rafael. E di dos gol a bin den di 44 minuut ora cu Selymar Sierra a anota. E defensa di Aruba no a materialisa cu a pone cu Puerto Rico a probecha y a aumenta nan bentaha te na 4-0. Tabata Amanda Echevarria Ortiz y Bryant Laboy Vega cu a anota e golnan pa solidifica e victoria pa Puerto Rico. Y e gol final di Ortiz a bin den e di 65 minuut for di e lugar di penalty. Cu esaki Puerto Rico a sali victorioso y Aruba a keda na di dos lugar. Puerto Rico a gana tambe e premio di Wante di Oro pa e arkero Cameila Marin Cestero di Puerto Rico y e capitan Camila Adame ta bira e hungador mas balioso. E mesun dia e seleccion di Aruba a bolbe su isla bek y a ricibi un bunita yegada.
Follow NoticiaCla
