Segun ELMAR, e kabel di 60kv a keda repara pero trabounan ta sigui

ORANJESTAD – E kabel di 60kv cu recientemente a wordo kibra pa trabou di un contratista di ELMAR, a keda repara y trabounan ta sigui na onderstacion Sabana Blanco. Asina e compania a informa diaranson mainta. Mientrastanto nan a informa cu for di ayera mainta, eekipo ta trahando diligentemente pa eherce testnan pa verifica e integridad y seguridad di e kabelnan.

TEST Y REACTIVACION:

Ayera atardi, nan a inicia e proceso pa reactiva coriente riba e kabel repara. E kabel aki lo pasa door di un test riguroso den e proximo 24 oranan pa sigura cu e ta operando na e nivel optimo di prestacion. E confiabilidad di e servicio ta di suma importancia pa nan, y e fase di test aki ta duna nan e oportunidad pa confirma e stabilidad di e kabel repara.

PROXIMO PASONAN: 

Si e fase di test ta bay segun plan y e kabel ta pasa tur evaluacion necesario, ElMAR tin como meta pa inicia gradualmente e proceso pa pone carga riba e kabel aki, cuminsando for di awe. “Nos ta compronde e importancia di un transicion sin problema y nos ta dedica pa sigura un reintroduccion sigur” e compania a sigui bisa.

RETO CONTINUO: 

Segun e compania, mientras nan ta haciendo avance significante, nan kier keda transparente tocante e retonan cu nan ta enfrenta. Te cu awor, nan a realoca 3 kabel di 60KV for di e onderstacion bieuw pa e nobo na Sabana Blanco. “Nos tin 3 kabel di 60KV mas cu mester wordo realoca. E proceso aki ta rekeri planificacion cu cuidou y ehecucion pa minimalisa cualkier potencial impacto riba nos servicio” e compania ta sigui bisa. Pa logra e proyecto aki, ta conta cu colaboracion di diferente departamento manera Team Innovation & Engineering, GIS, Team Grid Quality Management y Team Underground Services, y compania Prysmian di Hulanda. Durante e periodo aki, pa sigura un servicio di coriente, manera ya menciona, ELMAR ta haci un transferencia di carga di un area alternativo atraves di un otro stacion. E ta importante pa nota cu e transferencia di carga aki lo pone un esfuerso adicional riba e kabelnan di e red di distribucion alternativo, posibelmente causando un efecto di corto circuito. Na banda di e carga adicional door di e aumento di consumo di coriente actualmente durante temporada di calor. Nan ekipo di tecniconan lo monitor e situacion durante henter e periodo aki.