Na Corsou, awe servicio di aduana ta plat

WILLEMSTAD - Awe mainta sindikato STrAF huntu ku ABVO a yama un reunion bou di ora di trabou pa entre otro trahadónan di duana. Señor Lourens presidente di STrAF a bisa EXTRA ku awe duana lo ta plat. Tin basta malkontentu den e personal di duana. E reunion ta planiá pa awe mainta 8 or na sede di ABVO. Segun sr. Lourens, tin diferente punto ku no tin klaridat riba dje,

Entre otro el a menshoná promoshon ku mester tuma lugá i ku no tin klaridat ki dia e lo ta kla. Tin ‘landsbesluit’ di duana ku for di 2 aña pasá ta besig kuné i ku tampoko ta kla ainda. Ta kosnan ku si nan keda kla ta solushoná hopi problema na duana.

Tin un falta enorme di personal pero tòg gobièrnu ke investigá promé ku tuma hende den servisio siendo ku den otro servisionan ta tuma hende sin mas.

Tin asuntu di ‘opleiding’ i diferente punto mas segun señor Lourens ku mester keda solushon i ku tin e kuerpo di duana den hopi malkontentu. I konsekuentemente nan a yama un reunion pa awe mainta 8 or na sede di ABVO pa duna informashon na e trahadónan i a base di e desishon ku tuma awe lo disidí kon ta bai sigui. Pero tur esaki ta trese kuné segun sr. Lourens ku awe duana ta plat. NOTA: E texto ta scirbi den Papiamento fonetico di Corsou.