Candidata di Miss Aruba cu tabata na estado, a bira noticia riba portal Salvadoreño

EL SALVADOR – E panelista Colombiano di e programa Sientase quen pueda’ Lucho Borrego a keda impresiona di un candidata di e certamen recien esta Miss Universe Aruba algun siman pasa unda cu Karol Croes a gana e titulo maximo. Asina e portal salvadoreño, sede di e proximo certamen di Miss Universo El Salvador.com a raporta awe. Borrego a keda asina impresiona cu e candidata cu ta mama caba y cu tabata na estado durante e certamen, esta Anaisa Orman. Borrego ta un di e host mas cotiza den certamen di beyesa latino americano. Y e la haya invitacion pa ta parti di e certamen na Aruba. Reglanan nobo di e certamen a cambia radicalmente, cu ta permiti un candidata awor di ta mama, of aun mas controversial, di ta e genero trans. Borrego a keda impresiona cu Orman, cu ya tin dos yiu, y cu tin uno na caminda, cu e la dedica parti di su programa na e candidata aki. 

Aruba ta hala atencion segun Borrego, debi cu e ta bira e prome pais cu tabatin un dama cu a participa siendo na estado. Tin di Guatemala cu tin un candidata cu tambe ta mama caba. Solamente den e caso aki cu Anaisa Orman no a gana, pues no por participa. Por lesa e articulo original AKI.