Ocho candidato presidencial republicano Mericano lo debate otro diaranson

MILWAUKEE – Ocho di e 12 candidatonan presidencial Mericano republicano lo debati otro den e prome debate politico presidencial republicano, sin e candidato porta mas popular, ex presidente Donald Trump. Trump a opta pa no participa, pero pa tene un entrevista mesun orario. Cuater candidato cu no ta participa, ta pasobra nan no a logra ‘cumpli’ cu e reglanan, y a critica esaki publicamente. Esnan cu ta participa, ta gobernador Ron DeSantis, comerciante Vivek Ramaswamy,   senadorTim Scott, gobernador Nikki Haley, ex vice presidente Mike Pence, gobernadorDoug Burgum, ex gobernador Chris Christie y ex gobernador Asa Hutchinson. Esnan cu no ta participa, ta comerciante Perry Johnson, ex candidato pa gobernador Larry Elder, alcalde Francis Suarez y ex politico Will Hurd. Nan mester yega por lo menos 1% den tres encuesta nacional of un mix den varios encuesta reconoce pa e comitiva, y mester tin por lo menos 40 mil donante individual den por lo menos 20 of mas estado Mericano.