Parlamento: Gobierno no ta cumpliendo cu protocol firma

ORANJESTAD – Ta parse cu gobierno di Aruba no ta cumpliendo cu e punto 3 di e protocol di 2 di mei 2015, entre gobiernonan di Aruba y Hulanda. Asina presidente di parlamento, Marisol Lopez Tromp, a cuminsa na contesta e carta cu minister Bermudez a manda awe pa parlamento. Den e carta ey, como contesta na parlamento, Bermudez ta contesta parlamento su pregunta, confirmando cu gobierno no ta adapta e presupuesto 2015 cu medidanan di CFT. Y esaki no a cay den bon tera serca parlamento di Aruba. 

CLARIDAD

Como tal, Lopez a manda (na nomber di parlamento di Aruba), un contesta mesora pa Bermudez, exigiendo pa awe mes, un clarificacion di e punto di bista di gobierno. Mas specifico, kico gobierno di Aruba ta compronde bou di punto 3 di e protocol, relaciona cu e reaccion di CFT manera expresa tanto den carta di dia 10 di april 2015 (lesa e carta aki) . Cu otro palabra ‘Ta e pensamento di gobierno cu e presupuesto actual (2015), sin adaptacion substancial, ta cumpli cu e consehonan di CFT segun reaccion di dia 29 di december 2014 (lesa e carta aki ) y cu esey, e punto 3 di e acuerdo recien firma’ (lesa e protocol aki).

DIFERENCIA DI OPINION

Esaki ta nifica cu parlamento ta diferencia di opinion cu gobierno riba e interpretacion di e protocol, CFT su conseho y e ehecucion di e consehonan pa cu e presupuesto aki. Parlamento a duna gobierno te awe tardi pa contesta esaki claramente, sino tin consecuencia pa e tratamento di e proximo presupuestonan. Lesa e ultimo carta di parlamento, manda pa gobierno di Aruba aki.