Prome tormenta di temporada ta un hecho caba!

ORANJESTAD – E prome tormenta di temporada a nace, menos cu un luna prome cu e temporada cuminsa oficialmente. Tormenta subtropical Ana a nace e siman aki, dilanti di costa di Norte America. E temporada ta cuminsa oficialmente 1 di juni y ta termina fin di november. E pronostico e temporada aki ta pa uno relativamente keto. Mientrastanto e nombernan pa e tormentanan di 2015 tambe ta conoci. Wak nan aki.

TORMENTA

Entre nan tin 7 tormenta cu nomber, di cual 3 ta bira horcan, di cual uno (1) intenso. Ademas, e pronostico ta cu tin un chens menos cu riba average cu e lo subi tera na e costa oost di merca, (15% chens), y den golfo mescos. Caribe tin 22% chens pa mira un horcan (e average ta 42%). E temporada ta parse 5 aña cu tabatin algo similar. 2014 (cu 8 tormenta, 6 horcan, y 2 intenso); 1993 (8 tormenta, 6 horcan, y 2 intenso); 1991, (7 tormenta, 3 horcan, 1 intenso); Y 1957 . Aunke den e aña ey, tabatin e tormenta cu mas daño haci cu tabata Audrey, cu a mata 416 hende na Texas y Louisiana. Tur ta debi na efecto di El Niño cu situacionnan mas friu cu normal.