Aruba ‘ainda’ ta un destinacion ‘pagabel’ entre esnan cu ta cumpra seguro di biahe

ST PETERSBURG, FLORIDA – Aruba ta number 8 riba e lista di biahenan cu seguro, mas pagable ainda e temporada aki. Esaki segun e compania di seguro di biahe Squaremouth, ubica cu su base na  St. Petersburg, Florida.  Nan tin 3,142,590 cliente segura y a bende $95,212,483.23 na seguro den e ultimo 12 lunanan. Entre e biaheronan cu ta cumpra seguro di biahe, Aruba ta pues den e top 10 di destinacionan cu ta ‘pagabel’ ainda. E compania di seguro Squaremouth a haci un investigacion entre tur esnan cu a cumpra seguro di biahe den un periodo specifico. Den esaki, Puerto Rico tabata esun mas ‘pagable’ den Caribe. Aruba tambe ta fifgura den e lista aki. E costo averahe pa un biahe pa Puerto riba ta na $3,097,=, prome cu Bermuda, Republica Dominicana y Bahamas. Jamaica y Aruba tabata den e top 11 di e lista aki.  Globalmente biaheronan ta gasta averahe di mas di $7,800,= riba nan biahe. E ta e montante mas halto e zomer aki di e compania su historia. Cu esaki, gasto di biahe internacional a aumenta cu mas di 25% compara cu e aña pasa. Un 73% di esnan encuesta (entre 4000 biahero cu a paga pa seguro di biahe) tabata mas of mesun preocupa pa proteha nan biahe (cu seguro), compara cu e añanan anterior. Segun Squaremouth, 7 entre 10 di e destinacionan popular tin gasto di biahe bou di e averahe di e temporada.