Parlamento a hala atencion di gobierno pa falta di contesta

ORANJESTAD – Si gobierno di Aruba no avisa parlamento awe ainda di nan pasonan referente medida extra pa presupuesto 2015, parlamento ta haye obliga di tuma paso. Asina presidente di paralmento Marisol Lopez Tromp a informa gobierno den un carta fecha awe mainta. E carta original a wordo manda dialuna ultimo, pidiendo pa un contesta mas tarda awe. Ayera ainda Lopez a urgi gobierno un biaha mas, na comienso di e tratamento di presupuesto, pa un contesta. Pero te awe mainta, ainda Lopez no a haya nada Como tal, a manda e respectivo carta aki. Lesa e cartanan aki.

CARTA NOBO

Den e carta di awe mainta, Lopez ta bisa cu, ‘ta conoci pa gobierno cu e aña aki a opta pa cambia e orden di tratamento di e presupuesto di tal forma cu pa dia ta trata presupueto di dos ministerio pareu’. E presidente ta sigui mustra cu “esaki tin como consecuencia cu e termino den cual gobierno mester a reacciona riba e carta, a resulta di ta mucho largo”. Esaki debi cu si a trata e presupuesto di otro forma, e lo a ‘tarda’ mas, dunando gobierno mas tempo. Awor, e forma con cos ta bayendo, e tratamento di presupuesto lo a caba dia bieu, y ainda gobierno no a contesta. Como tal e tempo pa gobierno reacciona, mester ta mas cortico pa ainda e tin efecto.

DEADLINE

Dden e carta Lopez a urgi gobierno atrobe pa awe ainda informa parlamento di e decision, si ta bay aplica cambionan substancial na e presupuesto 2015, pa medio di un of mas nota di cambio. “Si no notifica parlamento na tempo, parlamento lo dicidi riba e forma proximo di con pa sigui cu e tratamento proximo di e presupuesto actual" Lopez ta finaliza bisando.