WELLINGTON – E seleccion Hulandes di fubol femenino diahuebs a yora su eliminacion di e Mundial di Futbol Femenino diahuebs anochi perdiendo 2-1 di Spaña. Cu Hulanda a hunga 120 minuut envez di 90 minuut ta danki na Stefanie van der Gragt cu a hunga un bon ultimo wega di su carera futbolistico despues di tabata e motibo di un penalty contra Spaña pa motibo di handsbal. Sinembargo ta e mesun van der Gragt cu a empata e wega den e tempo extra, cu a pone cu e wega a sigui den tempo extra, extendiendo su final cu 30 minuut. Lamentablemente toch Spaña a resulta mas fuerte y a hinca e gol final, ganando e partido 2-1. Asina mes, Hulanda tabata orguyoso di su seleccion cu tabatin hopi chens pa yega e final, y como tal tabata notable e tristeza den henter e pais despues di e derota.
ATLANTA – E number riba uniform di baseball professional di e Arubiano Chadwick Tromp a crea un tipo di controversia recientemente na Merca. Pa straño cu por zona, a relaciona su number 45 riba su uniform, combina cu su fam, cu e presidente number 45 di Merca, cu tambe tin e fam, aunke skirbi diferente. Donald Trump tabata e di 45 presidente Mericano. Y ta conoci cu ora cu e mester a tira e prome bala, e tabata bisti e uniform cu e number 45. Den e caso aki, e Arubiano a haye den un tangana sin sa. Tromp a sigura prensa Mericano cu e no a tuma e number ey pa haci un gestion politico. De hecho, e ta sigura cu e no a ni conecta e dos cosnan cu otro. Cu e tin e fam Tromp (cu na ingles por wordo relata como Trump), y e number 45, ta puro coincidencia, Tromp a sigura tur hende. “Semper nan a grita Tromp 45, pero nunca mi a pone nan hunto. Mi a kere cu tabata solamente, Chadwick Tromp, number 45’. Segun e portal The Athletic, Trump a pidi pa un cambio di number di 48 pa sea 14 of 60. Pero esey no tabata posibel pues e la haya e number 45. Tromp a bisa cu e ta gusta e number, pero no tin niun interes politico.
ORANJESTAD – E keeper internacional, e Arubiano Jean Marc Antersijn ta considera e yamada di Patrick Kluivert (otro futbolista internacional renombra) pa e hunga pa e seleccion di Corsou como un di su momentonan mas grandi di su carera. Durante e programa Noticiacla LIVE diahuebs anochi, e la comparti cu periodista y moderador Tito Laclé, e momento aki cu e la experencia algun aña atras. Pa wak e programa completo, click AKI.
ORANJESTAD – Cu e ultimo prestacion di e conocido coredor di Aruba Lana Gobert na e Tokio Marathon, e cantidad di Arubiano riba a muraya mundial di fama di Marathon mundial ta aumenta na 3. E otro dosnan ta e conocido Michel la Haye y Wilfredo Ras. E siman aki Gobert a comparti e logro aki riba us pagina, cu awor su nomber tambe ta aparece entre e grandinan cu a participa na tur e 6 marathonan mundial conoci cu ta e marathonnan di New York, Boston , Berlin, Chicago, London y Tokyo. E aña aki Gobert a logra e ultimo marathon aki pa completa e circulo di 6 marathon mayor. Hunto cu esaki, e ta bira e prome coredor femenino representando Aruba den e asina yama Abbott Major Marathon 6 star series!
MIAMI/ ORANJESTAD – Pa prome biaha den historia, Aruba ta co-anfitrion di e torneo Damas U15 di Concacaf. Asina a keda anuncia na Miami diahuebs ultimo. E weganan lo tuma lugar entre 5 y 11 di augustus 2024. Aruba lo ta anfitrion di e liga C, Trinidad Liga B y Costa Rica A. Un total di 35 pais miembro a informa cu nan ta interesa pa participa den e weganan aki. Tur tres liga lo inclui un parti di grupo y un parti di knockout y corona su campeon. E cantidad di ekipo pa liga lo keda deterina basa riba e ranking di Concacaf Woman’s U-17 Ranking di maart 2024 y e number final di participante.
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.