Alerta pa virus manera Chikunguya na caminda pa Corsou

WILLEMSTAD – E departamento di salud di Corsou (Ex GGD y awo Gz) ta alerta pa e yegada di un virus manera Chikunguya pa Corsou. Asina e Favell Maduro ta raporta pa e vespertino Amigoe e siman aki. E asina yama virus Zica, ta haciendo hende malo na Brasil, segun World Health Organisation.

SYMPTOMA

E simptomanan ta mesun cos cu serca Chikunguya y dengue. Keintura halto, dolo di weso y rash. Epidiomologo Izzy Gerstenbluth ta na altura di e menasa pero ta mustra si cu mester conduci un contra investigacion pa determina definitivamente si ta trata di e virus Zica. Si ta asina, ta prome biaha cu e virus aki a yega e continente mericano. E ta un virus detecta na Uganda na 1952.

PROME PRUEBA

Den e prome pruebanan, a detecta e virus si. Ta trata di hende di entre 20 pa 40 aña cu ta contamina cu e virus. Den februari, e prome casonan a wordo constata den e partinan noord di Brazil. Pashentnan ta keha di keintura, dolor di cabez, hinchamento di pia y man, y dolo di weso. No a registra morto ainda.

BROTE

E epidiomologo ta mustra cu un brote ta posibel na Corsou. Como tal ta recomenda mescos cu dengue y e otro virus, pa tuma medida di precausion.

MENASA PA ARUBA?

No ta conoci pa departamento di salud cu e virus aki lo ta ‘biniendo’ Aruba. “Nos ta na altura di e virus aki si, y cu enberdad e ta un parecido na chikunguya. Pero no cu e lo ta yegando Aruba” Latifa Mercera di departamento di Salud a bisa NoticiaCla.com awe mainta.