Auto na Merca ta accidenta y bula estilo pelicula y termina den di dos piso di un cas

LEWISTOWN – Bomberonan a keda sin palabra ora cu nan a yega na un sitio di accidente y topa cu un auto accidenta den di dos piso di un cas na Lewistown den estado Mericano di Pennsylvania diamars. E chauffeur a perde control, dal den un algo y sali bulando estilo pelicula y termina den e di dos piso di e cas.  E auto sedan a keda pega entre e muraya y dak di e cas. E loke a pone e auto bula aparentemente tabata un pida parti di tapa di riool mal ubica riba caminda cu tabata mustra manera un rampa. E homber a keda traslada pa hospital pa tratamento medico.