Na Almere, Hulanda, ta usando cachonan pa detecta leak den verwarming subteraneo

ALMERE – Na Almere, Hulanda, polis ta usando cacho rastreador pa busca leak den e netwerk di central di verwarming. Ta trata di un prueba di e compania di energia Vattenfall, cu ta responsabel pa verwarming di e ciudad. Cu ayudo di e cachonan specialisa, por haya un leak mas liher pa por interveni. Busca un leak di otro forma ta mas dificil y basta fastioso, parse. E cacho, ta entrena pa detecta un cierto holor, cu ta holor di e leak. “E cacho ta hola si bou di e tera cu e ta hole, tin un leak” e guia di cacho Wesley Visscher ta bisa. E holo di awa di e verwarming di ciudada ta net un tiki diferente cu e holor di awa regular. Esaki debi cu e awa ey ta den un sistema cera. Loke ta pasa den e tubonan ta awa demineralisa. Den principio, e no tin holor, pero como cu e ta pasa den un tuberia cera, e ta gara cierto mineralnan pues tambe cierto holor. Y ta riba e holor ey e cachonan ey ta entrena. Ora cu e cacho haya e leak, ta spuit e tegel ey cora. E ekipo di mantencion e ora ta bin repara esaki mesora y sa mesora unda cu tin cu coba pa haci e reparacion.