Corsou tin problema di exodo masal di maestro di scol pa Bonaire y Hulanda

WILLEMSTAD - Aña eskolar 2023/2024 ta bai kuminsá i ainda Direktiva di Skolnan Katóliko falta 5 vakatura pa yena esakinan.  Tur kos ta kla pa start ku aña eskolar nobo, pero tabatin hopi maestro ku a stòp o sea a sali for di sektor di enseñansa. Ta un situashon hopi alarmante, ta loke ku e direktor di Direktiva di Skolnan Katóliko sra. Royla Pierre a duna di konosé.

Sra. Pierre a indiká ku ta for di 2 aña pasa a mira ku dosentenan ta bandoná enseñansa, sea nan ta bai Ulanda òf Bonaire, pero awor aki hopi ta bai Bonaire, ku ta djis banda di “kas” aki. E aña aki no ta eksepshon. “Mi a kuminsá papia for di 2 aña pasá dje situashon aki, pero nada ta sosodé”, ta loke ku e direktor a bisa. Hende ta bai pasobra situashon ekonómiko di pais ta bayendo atras. Hopi ta bisa ku Kòrsou a bira hopi negativo, i tin hopi kos ta pasa. P’esei nan ke stòp di kontribuí den enseñansa na Kòrsou i bai otro kaminda. E kansansio ta hopi, i di tal índole ku nan no ke sigui aportá den enseñansa na Kòrsou. Hasta esnan di eksterior ta preferá di bai Bonaire pa bai traha ku bin Kòrsou.

Sra. Pierre a sigui bisa ku a logra di yena tur vakatura, a logra di haña solisitante. Sinembargo ainda tin 5 vakatura pa yena, i ta repartí riba skol di fundeshi te skolnan sekundario. Aña pasá tur kos tabata kla, e aña aki e reto tabata mas grandi.

Tur aña Direktiva di Skolnan Katóliko ta hasi apelashon na penshonado pa bin yuda. Ta nota ku e penshonado ta yega na punto ku no ke mas, dor di teknologia  i muchanan a bira difísil pa kontrolá.

Komo pais mester bira mas atraktivo. Si na Boneiru ta paga ticket, pago di mudansa i hasta buska bibienda, siguridat di trabou, e hende ta bai p’e. Kòrsou no por ofresé e koleganan aki ku a bai nada. Mester pone hopi atenshon na esaki komo pais, sra. Pierre a terminá bisando. NOTA: Texto ta scirbi den Papiamento fonetico di Corsou.