Evento crucero di Carnival Horizon cu Aruba riba ruta pa 2024 a ‘sold out’ den 5 minuut

MIAMI – Despues di un fayo tecnico dialuna, un evento special riba un barco crucero Carnival Horizon cu Aruba riba su itinerario programa pa 2024 a ‘sold out’ den apenas 5 minuut. E evento tabata poni pa wordo bendi riba un solo dia, esta dia 31 di juli 2023, pero un fayo tecnico a impedi e benta inicial. Unabez coregi, e benta a bay den forma record y pues den apenas 5 minuut tur e 650 lugarnan a keda bendi. Ta trata di e evento di embahador John Healds ‘FFS Cruise’, cu ta pa 650 persona abordo di e crucero. E barco crucero ta sali dia 17 di februari 2024 pa un biahe di 8 dia den Caribe, cu Aruba riba su ruta. E ta un cruise special titula ‘For Fun’s Sake’ cu ta e di 6 edicion cu a bira hopi popular entre e usuarionan di e crucero. E pasaheronan cu book e evento aki, ta e uniconan cu por participa na e eventonan aki. E no ta un evento pa tur e huespednan abordo, y ta wordo considera como eventonan exclusive. Entre e eventonan, tin dos fiesta exclusivo cu bebida special y un tempo special cu e embahador di e fiesta, Heald.